Aðalbjörg Sigurðardóttir, kennari við Grunnskólann á Ísafirði hefur verið valin í sem aðalmaður í yfirkjörstjórn Ísafjarðarbæjar, að tillögu Í-listans.  Varamaður hennar verður Björn Davíðsson.  Kjör þeirra var staðfest á fundi bæjarstjórnar í síðustu viku. Aðalbjörg tekur sæti Smára Haraldssonar í yfirkjörstjórn, en hún var áður varamaður hans.  Á fundi bæjarstjórnar voru Smára þökkuð störf hans í yfirkjörstjórn.  Tvennar kosningar standa nú fyrir dyrum á landinu, annarsvegar þjóðaratkvæðagreiðsla um lánasamninga í tengslum við Icesave og síðan almennar sveitarstjórnarkosningar í lok maí í vor.
Deila á Facebook