Landsmálavefur á Vestfjörđum | skutull@skutull.is
08.03.2013 - 11:20

Útbođi ríkisins á strandsiglingum frestađ: Skipafélögin tóku málin í sínar hendur

Ögmundur Jónasson frestađi útbođi á strandsiglingum - gefur skipafélögunum sjens
Ögmundur Jónasson frestađi útbođi á strandsiglingum - gefur skipafélögunum sjens
Í morgun var samþykkt á fundi ríkisstjórnarinnar að fresta útboði á strandsiglingum við landið. Ástæðan er sú að skipafélögin tvö, Samskip og Eimskip, hafa tilkynnt fyrirætlanir um strandsiglingar sem hefjast munu í þessum mánuði. Ögmundur Jónasson innanríkisráðherra segir að með því megi ætla að markmið verkefnisins nái fram að ganga og í því ljósi lagði hann til að útboði yrði frestað en áfram fylgst með framvindu málsins. Þetta kemur fram á heimasíðu ráðuneytisins.


Í frétt frá innanríkisráðherra segir: ,,Ákveðið var á fundi ríkisstjórnarinnar þann 1. mars síðastliðinn að bjóða út strandsiglingar við Ísland en undanfarin misseri hefur fýsileiki strandsiglinga verið kannaður með margvíslegum hætti. Innanríkisráðherra skipaði nefnd í maí 2011 til að vinna að verkefninu enda engin teikn á lofti um að strandsiglingar við Ísland myndu hefjast að nýju án ríkisstuðnings þrátt fyrir mikilvægi þeirra fyrir flutningakerfi og byggðir landsins. Lagði nefndin til að strandsiglingar yrðu boðnar út miðað við ákveðnar forsendur og talið að þær gætu orðið sjálfbærar að loknu ákveðnu tilraunatímabili með styrk frá ríkissjóði.

Þar sem bæði Samskip og Eimskip hafa tilkynnt fyrirætlanir um strandsiglingar, Samskip munu hefja sínar siglingar 18. mars og Eimskip 14. mars, þykir rétt að fresta fyrirhuguðu útboði og láta reyna á hvort markmið fyrirhugaðra strandsiglinga um að auka flutninga á sjó og draga jafnframt úr því álagi sem er á vegakerfinu muni nást til frambúðar. „Fylgst verður grannt með því hvaða fyrirkomulag verður á strandsiglingum skipafélaganna og hvort með þeim muni nást fullnægjandi þjónusta við byggðir landsins eins og stefnt var að með tilraunaverkefninu. Útboðsgögnin eru tilbúin en skynsamlegt að leggja þau til hliðar að svo stöddu," segir innanríkisráðherra."

#1
08.03.2013 kl: 11:47
Henry Bćringsson skrifar:

Hvernig á ég ađ koma vöru frá Ísafirđi til Reykjavíkur? Ţarf hún ađ fara til meginlands Evrópu fyrst?

Vefumsjón