Skutull - Fr�ttir

�forma� Gr�nlandssetur � Bolungarv�k � V�sindaporti

Thu, 09 Sep 2010 16:16:00 +0000

Í Vísindaportinu föstudaginn 10. september mun Jónas Guðmundsson sýslumaður fjalla um áformað Grænlandssetur í Bolungarvík. Vísindaport hefst kl. 12.10 í kaffiasal Háskólaseturs Vestfjarða og eru allir velkomnir. Fyrr á þessu ári var í Bolungarvík stofnað sérstakt undirbúningsfélag um stofnun setursins og Jónas kjörinn formaður stjórnar félagsins. Félagið hefur fengið aðstöðu fyrir starfsemi sína að Vitastíg 1 í Bolungarvík, sem var formlega tekin í notkun á þjóðhátíðar- og fullveldisdegi Grænlendinga 21. júní. Unnar hafa verið tillögur að hönnun setursins og uppsetningu sýningar.

Í umfjöllun sinni mun Jónas greina frá hugmyndum sínum um setrið, hvað þarf til að það verði að veruleika, þeim hugmyndum sem uppi er um starfsemi þess og framtíðarsýn. Einnig mun hann eftir því sem tími gefst til fjalla um þennan næsta nágranna okkar, landið og íbúa þess og samskipti og samskiptamöguleika íbúa þessara tveggja landa í náinni framtíð.

Jónas Guðmundsson er fæddur og uppalinn í Reykjavík og er lögfræðingur að mennt, Hann var skipaður sýslumaður í Bolungarvík 1990 og hefur búið þar síðan.

Leiklistarsk�li K�med�uleikh�ssins: Fj�ldi n�mskei�a fyrir b�rn og fullor�na

Thu, 09 Sep 2010 11:56:00 +0000

Nýjum skóla er nú verið að hleypa af stokkunum í Ísafjarðarbæ. Það er Leiklistarskóli Kómedíuleikhússins sem er að hefja sína fyrstu önn nú í september. Á vegum skólans verða haldin leiklistarnámskeið fyrir börn, unglinga og fullorðna. Námskeiðin standa í tíu vikur og lýkur með nemendasýningu. Skólinn er til húsa í Listakaupstað á horni Fjarðarstrætis og Tangagötu á Ísafirði (áður húsnæði Norðurtangans), þar sem listamenn hafa hreiðrað um sig á efstu hæð. Opið hús verður á vegum leiklistarskólans laugardaginn 11. september á milli klukkan 14 og 16 í húsnæði skólans. Þar er tækifæri til að kynna sér námskeið og húsnæði skólans. Leiklistarskóli Kómedíuleikhússins verður settur í fyrsta sinn sunnudaginn 19. september kl. 14.00 og námskeiðin hefjast mánudaginn 20. september. Aðalkennarar við Kómedíuskólann eru þeir Elfar Logi Hannesson og Ársæll Níelsson sem báðir eru menntaðir í Kómedíuskólanum í Kaupmannahöfn. Frekari upplýsingar gefur Elfar Logi í síma 891-7025.

Fyrrverandi sk�lastj�ri � T�lknafir�i �k�r�ur fyrir fj�rdr�tt

Thu, 09 Sep 2010 09:34:00 +0000

Fyrrverandi skólastjóri Grunnskólans á Tálknafirði hefur verið ákærður fyrir fjárdrátt og brot í starfi. Ríkissaksóknari sækir málið fyrir Héraðsdómi Vestfjarða. Skólastjóranum fyrrverandi, sem er á fimmtugsaldri, er gefið að sök að hafa dregið sér rúmlega eina og hálfa milljón króna af fjármunum skólans. Tálknafjarðarhreppur gerir skaðabótakröfu á hendur manninum upp á tæpar tvær milljónir króna með vöxtum. Frá þessu segir í Fréttablaðinu í dag.

Í ákæru segir að maðurinn hafi á tímabili frá 5. nóvember 2008 til 30. júlí 2009 misnotað aðstöðu sína sem skólastjóri, bæði á þáverandi heimili sínu að Innstu-Tungu í Tálknafirði, og í húsnæði Grunnskólans á Tálknafirði, að Sveinseyri. Hann hafi dregið sér samtals rúmlega eina og hálfa milljón með óheimilum millifærslum af bankareikningi skólans hjá Sparisjóði Vestfirðinga, sem skólastjórinn fór með vörslu á og hafði aðgang að með heimabanka. Af heildarupphæðinni færði maðurinn inn á eigin bankareikning tæpar 1,3 milljónir í nítján færslum. Samtals 230 þúsund færði hann svo í sex færslum inn á bankareikning eiginkonu sinnar.

Vinnsla hafin hj� V�si � �ingeyri - J�hanna G�slad�ttir �S landa�i � g�r

Thu, 09 Sep 2010 07:28:00 +0000

Jóhanna Gísladóttir ÍS-7, skip Vísis hf. í Grindavík, landaði afla sínum á Þingeyri í gær. Þar með hófst vinnsla í frystihúsi Vísis á Þingeyri nokkru fyrr en áætlað var. Skutull sagði frá því í gær að starfsfólk hefði verið boðað til vinnu á mánudaginn, en nú hefur vinnunni verið flýtt. Það var bb.is sem sagði frá þessu í gær. Jóhanna Gísladóttir ÍS er skráð með heimahöfn á Þingeyri en er sjaldséð þar. Það er því gleðilegt að Vísismenn hafi nú látið bátinn landa í heimahöfn.

Vísir hf. er með höfuðstöðvar í Grindavík, en rekur auk þess fiskvinnslu á Húsavík og Djúpavogi, auk Þingeyrar. Fyrirtækið gerir út fimm línu- og netabáta: Fjölni SU-57, Jóhönnu Gísladóttur ÍS-7, Kristínu ÞH-157, Pál Jónsson GK-7 og Sighvat GK-57. Bátarnir landa oftast í Grindavík, en oft á Austfjörðum eða þar sem þeir stunda veiðar í hvert sinn. Aflanum er dreift á vinnslustöðvar fyrirtækisins með flutningabílum.

S�minn �tlar a� h�kka ver�skr�na um n�stu m�na�arm�t

Wed, 08 Sep 2010 15:34:00 +0000

Síminn hækkar verð á þjónustu sinni frá og með 1. október um 4,5% miðað við meðalnotkun heimilis. Verðbreytingarnar má finna á töflu á heimasíðu Símans. Þar eru tilgreindar hinar fjölbreytilegustu gjaldskrárhækkanir. Sjá má að grunnáskrift að internetinu hækkar úr 3050 krónum í 3200 krónur, sem er 4,9% hækkun. Grunnáskrift heimasíma hækkar aðeins um rúmlega tvö prósent, úr 1665 krónum í 1700 krónur á mánuði. Þegar kemur að GSM-símtölum verður gjaldskráin líkt og frumskógur, en ljóst er að allir liðir hækka, hvort heldur er GSM-frelsi, ring, tveir vinir eða hvað það heitir. Upphafsgjald GSM-símtala hækkar úr 5,95 í 6,50 kr. í öllum kerfum, sem er 9,2% hækkun, en gjald fyrir algengt símtal í GSM-áskrift innan kerfa Símans hækkar úr 12,00 í 12,60 kr. sem er 5% hækkun. Símtöl í önnur farsímafyrirtæki eru dýrari.

Í frétt á heimasíðu Símans segir að verð á símtölum úr heimasíma í alla farsíma hafi lækkað frá 1. september og einnig úr farsíma í farsíma í öðrum kerfum. Lækkunin er í þeim þjónustuleiðum sem eru með breytilega verðskrá fyrir hverja mínútu. Þá fer nú fyrst málið að verða óskiljanlegt. Þetta má sjá á heimasíðu Símans og það er fréttavefurinn litlihjalli.is sem vakti athygli okkar á fréttinni.

Síminn segir að undanfarin misseri hafi verðhækkunum verið haldið í lágmarki þrátt fyrir þá verðlagsþróun sem átt hefur sér stað í þjóðfélaginu. Þegar litið er til síðustu 24 mánuða hefur vísitala neysluverðs hækkað um 16,7%, verð á bensíni hækkað um 14,9%, áskriftir að helstu fjölmiðlum hafa hækkað um 21,9% og verð á áfengi og tóbaki um 44,6%, svo dæmi séu tekin. Á sama tímabili hefur þjónusta Símans, með verðbreytingunni sem tekur gildi 1.október, hækkað um 13,8%. Viðskiptavinum Símans er bent á að hafa samband í síma 8007000 til þess að kynna sér hagstæðar þjónustuleiðir sem henta símnotkun hvers og eins.

B�kun fulltr�a Samfylkingar og Vinstri gr�nna: N� �arf markmi�um r�kisstj�rnarinnar

Wed, 08 Sep 2010 12:44:00 +0000

Nauðsynlegt er að við innköllun og endurúthlutun aflaheimilda sé tryggt að ríkið sé ávallt handhafi aflaheimilda og ráðstafi þeim aðeins tímabundið til leigu eða afnota. Þetta segja fulltrúar ríkisstjórnarflokkanna í endurskoðunarnefnd um fiskveiðistjórnun í bókun sem þeir lögðu fram með skýrslu nefndarinnar. Þau Guðbjartur Hannesson og Svanfríður Jónasdóttir fulltrúar Samfylkingarinnar, og Björn Valur Gíslason og Lilja Rafney Magnúsdóttir fulltrúar Vinstri grænna, taka ekki afstöðu með eða á móti þeim leiðum sem ræddar eru í skýrslunni. Skutull.is birtir hér bókun fulltrúa Samfylkingar og Vinstri grænna í nefndinni.

Fulltrúar ríkisstjórnarflokkanna fagna því að samstaða ríki um að sett verði sérstakt ákvæði í stjórnarskrá, um náttúruauðlindir, ákvæði sem undirstrikar að fiskistofnarnir umhverfis landið eru sameign þjóðarinnar og þess gætt að úthlutun aflaheimilda sé tímabundinn afnotaréttur. Lokaorð bókunarinnar eru þessi: „Í skýrslunni eru gerðar ýmsar tillögur til úrlausnar á álitaefnum sem uppi hafa verið við stjórn fiskveiða á undanförnum árum. Sömuleiðis stillir starfshópurinn upp ýmsum valkostum sem rétt þykir að hafa í huga við framtíðarskipan laga um stjórn fiskveiða. Í þeim efnum teljum við fulltrúar stjórnarflokkanna, að nýta þurfi það besta úr fyrirliggjandi hugmyndum til að ná megi fram markmiðum stefnuyfirlýsingar ríkisstjórnarinnar, um betra fiskveiðistjórnunarkerfi.“

Bókun við lokaafgreiðslu skýrslu samstarfshóps um endurskoðun laga um stjórn fiskveiða

Í júní 2009 skipaði sjávarútvegs- og landbúnaðarráðherra okkur fjögur í starfshóp til að endurskoða lög um stjórn fiskveiða. Starfshópnum var ætlað að skilgreina álitaefni og lýsa þeim. Hann átti að láta vinna nauðsynlegar greiningar og setja að lokum fram valkosti um leiðir til úrbóta. Hafa skyldi í huga að skapa greininni góð rekstarskilyrði til langs tíma en jafnframt reyna að ná sátt um stjórn fiskveiða. Allt þetta teljum við að starfshópurinn hafi gert.

Fulltrúar Samfylkingar og Vinstri hreyfingarinnar - græns framboðs hafa haft að leiðarljósi samstarfsyfirlýsingu ríkisstjórnar þessarar flokka frá því í júní 2009 við vinnuna í starfshópnum. Í störfum okkar í starfshópnum höfum við horft til þess að leita leiða til að uppfylla þau markmið yfirlýsingarinnar að fiskveiðar umhverfis landið verði „hagkvæmar og skapi verðmæti og störf" og séu sjálfbærar. Við höfum horft til þess að "skapa greininni bestu rekstrarskilyrði sem völ er á og treysta þannig rekstrargrundvöllinn til langs tíma". Þá höfum við haft í huga að „jafnframt verði leitað sátta um stjórn fiskveiða" meðal þjóðarinnar, eiganda auðlindarinnar.

Fagna ber að starfshópurinn tekur undir þá kröfu samstarfsyfirlýsingar ríkisstjórnarinnar að sett verði sérstakt ákvæði í stjórnarskrá, um náttúruauðlindir, ákvæði sem undirstrikar að fiskistofnarnir umhverfis landið eru sameign þjóðarinnar og þess gætt að úthlutun aflaheimilda sé tímabundinn afnotaréttur.

Í starfi hópsins var mikið fjallað um innköllun og endurúthlutun aflaheimilda sbr. samstarfsyfirlýsingu. Nauðsynlegt er að við innköllun og endurúthlutun aflaheimilda sé tryggt að ríkið sé ávallt handhafi aflaheimilda og ráðstafi þeim aðeins tímabundið til leigu eða afnota.

Ein leið til innköllunar og úthlutunar aflaheimilda var kynnt undir heitinu „Tilboðsleið". Sú leið gæti að mati okkar uppfyllt þau atriði sem samstarfsyfirlýsing ríkisstjórnarinnar fjallar um en þó aðeins með mun vandaðri útfærslum og sértækum lausnum. Engin sátt var hinsvegar um þá leið í starfshópnum.

Önnur leið að sama marki, sk. samningaleið, var einnig mikið rædd og felst í að innkalla aflaheimildir og úthluta þeim aftur með leigu- eða afnotasamningum. Ákveðnum hluta aflaheimilda yrði ráðstafað með slíkum samningum til núverandi handhafa aflamarks til ákveðins tíma. Jafnframt verði sérstakur „pottur" fyrir ýmsar ívilnanir og bætur, sem og tengingu aflaheimilda við ákveðnar byggðir eða svæði, strandveiðar og fleira þess háttar. Ef eitthvert framsal verður leyft er heimilt að binda það skilyrðum og það fari fram á opinberum markaði. Þannig yrði framsal aflamarks, leiguframsal, í núverandi mynd stöðvað. Með þessum hætti verði m.a. brugðist við áliti Mannréttindanefndar SÞ.

Verði samningaleið farin þarf að setja skýr lög um réttindi og skyldur samningsaðila sem tryggðu að jafnræðis yrði gætt við úthlutun nýrra heimilda, aukningar, ráðstöfun nýrra tegunda eða heimilda sem falla til með einhverjum hætti. Ekki er gerð tillaga um ákveðna hlutfallsskiptingu á milli aflamarksheimilda í svokallaða potta en það er álit okkar að sá hluti sem fer í jöfnunarúrræði verði að tryggja rétt byggða eða svæða, s.s. með því að skilyrða að ákveðinn hluti aflaheimilda verði byggða- eða svæða tengdur og horfa verði til hagsmuna fiskvinnslu, eins og skýrt kemur fram í skýrslunni. Skoða þarf vel fleiri skilyrði sem setja mætti fyrir samningum um leigu eða afnotarétt s.s. veðsetningu og að viðkomandi útgerðir starfi eftir gildandi kjarasamningum.

Ljóst er að í samstarfshópnum er mestur stuðningur við gerð leigu- eða afnotasamninga og að skilgreind verði í lögum skipting á milli samningsbundinna aflaheimilda og jöfnunarúrræða. Við teljum þess virði að fara þessa leið ef hún má verða til frekari sáttar meðal þjóðarinnar og hagsmunaaðila um fiskveiðistjórnunarkerfið. Slík leið sem og aðrar sem kynntar hafa verið í starfshópnum eru háðar frekari og ítarlegri útfærslu og ítrekum við að í áframhaldandi vinnu verði hvergi kvikað frá þeim grundvallaratriðum að auðlindir sjávar séu þjóðareign, þeim sé útlutað með leigu- eða afnotarétti, gegn gjaldi, og að gætt verði jafnræðis við úthlutun leigu- eða afnotaréttar við nýtingu auðlindarinnar.

Í skýrslunni eru gerðar ýmsar tillögur til úrlausnar á álitaefnum sem uppi hafa verið við stjórn fiskveiða á undanförnum árum. Sömuleiðis stillir starfshópurinn upp ýmsum valkostum sem rétt þykir að hafa í huga við framtíðarskipan laga um stjórn fiskveiða. Í þeim efnum teljum við fulltrúar stjórnarflokkanna, að nýta þurfi það besta úr fyrirliggjandi hugmyndum til að ná megi fram markmiðum stefnuyfirlýsingar ríkisstjórnarinnar, um betra fiskveiðistjórnunarkerfi.

Björn Valur Gíslason
Guðbjartur Hannesson
Lilja Rafney Magnúsdóttir
Svanfríður Jónasdóttir

�l�na �orvar�ard�ttir: Sk�rslan er �fangi en ekki lokani�ursta�a. N� �arf a� vinna m�li� p�lit�skt

Wed, 08 Sep 2010 10:55:00 +0000

Ólína Þorvarðardóttir alþingismaður og varaformaður sjávarútvegsnefndar Alþingis segir að skýrsla nefndar um endurskoðun fiskveiðistjórnunar sé áfangi en augljóslega ekki lokaniðurstaða málsins. Nú þurfi að taka málið og vinna það til fullnustu á pólitískum vettvangi. „Nú reynir á hvort stjórnvöld hafa þann pólitíska kjark sem til þarf að fullnusta málið með þeim hætti að þjóðin (ekki bara hagsmunaaðilar í greininni) uni sátt við niðurstöðuna,“ segir Ólína á bloggi sínu á Eyjunni. Með störfum nefndarinnar sé búið að uppfylla loforð ríkisstjórnarflokkanna um víðtækt samráð.

Ólína segir að bæði samningaleið og tilboðsleið, sem nefndar eru í skýrslunni geri ráð fyrir innköllun aflaheimilda á einu bretti og síðan einhverskonar samningum um endurúthlutun til tiltekins tíma. „Samningaleiðin er verr útfærð en tilboðsleiðin sem felur í sér ákveðna útfærslu, m.a. á verðmyndun kvótans og hvernig með skuli farið við endurúthlutunina. Samningaleiðin felur auk þess í sér ákveðnar hættur á að eignamyndun útgerðarinnar á aflaheimildum styrkist í sessi. Ég tel hana ekki nothæfa í óbreyttri mynd og því hallast ég að því að farin verði einhver sú leið sem byggir á því besta úr hinum leiðunum tveimur. Svo mikið er víst að markmiðin með þeim breytingum sem fyrirhugaðar eru verða að nást - árangurinn þarf að verða varanlegur og hafinn yfir pólitískt dægurþras frá ári til árs.“

Greinilegt er á allri umræðu í framhaldi af skýrslunni, að fylgjendur núverandi kvótakerfis hafa sameinast um það sem kallað er samningaleið. Sú leið gerir ráð fyrir innköllun allra aflamheimilda á einu bretti og gengur í því efni miklu lengra en fyrningarleiðin, sem gerði ráð fyrir innköllun á 20 árum. Aðalatriðið er hinsvegar endurúthlutunin og þar er engin sátt á milli hagsmunaaðila eða stjórnmálaflokka um útfærslur. Samningaleiðin byggir á álitsgerð sem Karl Axelsson og Lúðvík Bergsveinsson unnu fyrir nefndina. Núverandi handhafar kvótans og pólitískir bandamenn þeirra, svo sem Einar Guðfinnsson þingmaður Sjálfstæðisflokksins, leggja áherslu á að aflaheimildir verði leigðar til langs tíma og með sem minnstum kvöðum, á meðan fulltrúar sjómanna og fleiri vilja binda leigusamninga skilyrðum sem koma í veg fyrir kvótabrask. Skýrsla nefndarinnar tekur ekki á þessum ágreiningsefnum.

�tryggt atvinnu�stand � �ingeyri: V�sir hf. byrjar vinnslu eftir fj�rt�n vikna stopp

Wed, 08 Sep 2010 09:10:00 +0000

Forráðamenn fiskvinnslu Vísis hf. á Þingeyri hafa tilkynnt starfsmönnum að vinnsla hefjist að nýju í frystihúsinu mánudaginn 13. september eftir fjórtán vikna vinnslustopp. Vísir hf. lokaði vinnslunni á Þingeyri hinn 1. júní og gaf upp hráefnisskort sem ástæðu. Það er eitt kvótahæsta fyrirtæki landsins, Vísir hf. i Grindavík, sem rekur fiskvinnsluna á Þingeyri. Vísir hf. er langstærsti atvinnurekandi á Þingeyri. Þar störfuðu 25-30 manns síðasta vetur og fóru starfsmenn á atvinnuleysisskrá í sumar. Síðasta vetur var vinna dregin saman í fiskvinnslunni og fengu flestir starfsmenn aðeins 80% starfshlutfall eftir áramót. Ekki er vitað hve mikil vinna verður nú þegar vinnslan fer aftur af stað.

Verkal��shreyfingin undirb�r n�ja kjarasamninga

Wed, 08 Sep 2010 07:05:00 +0000

Kjarasamningar verkafólks eru flestir lausir frá og með 30. nóvember á þessu ári. Stéttarfélögin undirbúa nú nýja kjarasamninga og kröfugerð í samráði við félagsmenn sína. Viðræður við atvinnurekendur fara síðan af sað. Á heimasíðu Verk-Vest segir: „Þetta verða ekki auðveldar viðræður og í mörg horn að líta þegar kemur að hvar við eigum helst að setja áherslupunktana okkar. En það sem verður að vera alveg á hreinu er ef við ætlum að ná árangri þá verðum við að standa saman, þannig og eingöngu þannig náum við markmiðum okkar um mannsæmandi laun á vinnumarkaði.“ Jafnframt er nauðsynlegt að ríkisvaldið komi að samningum, svo sem verið hefur síðustu ár.

Um aðkomu ríkisstjórnarinnar eru skiptar skoðanir. Á fundi miðstjórnar ASÍ þann 26. ágúst kom fram að ríkisstjórnin hefði boðað aðila Stöðuleikasáttmálans á fund til að ræða aðkomu að nýrri samstarfsáætlun. Þar kom fram af hálfu fulltrúa verkalýðshreyfingarinnar að reynslan af Stöðugleikasáttmálanum og framgangi hans væri ekki með þeim hætti að hún gæfi tilefni til bjartsýni varðandi samstarf stjórnvalda og verkalýðshreyfingarinnar. Í reynd hefðu stjórnvöld ekki staðið við mikilvæga þætti sáttmálans og ekki hafi verið hægt að treysta þeim loforðum sem ríkisstjórnin gaf í tengslum við hann. Í því sambandi var bent á aðgerðaleysið í atvinnumálum sem ASÍ hefur lengi gagnrýnt og svik varðandi lögbindingu framlaga til Starfsendurhæfingarsjóðs. Af þessum ástæðum hefði ASÍ sagt sig frá Stöðugleikasáttmálanum.

Þá liggur það fyrir að ríkisstjórnin ætlar ekki að standa við loforð í skattamálum auk þess sem ekki á að verðbæta lífeyrisgreiðslur til elli- og örorkulífeyrisþega. Hefðu stjórnvöld raunverulegan áhuga á samstarfi væri réttast að þau byrjuðu á að efna það sem þegar hefði verið lofað. Fram kom á miðstjórnarfundinum að lítill áhugi væri meðal félagsmanna aðildarfélaganna á nýjum Stöðugleikasáttmála eða "samstarfsáætlun" í ljósi framgöngu stjórnvalda.

„Af þessu má sjá að róðurinn verður ekki auðveldur og þurfum við sem störfum í framlínu stéttarfélaganna að halda á ráðum og stuðningi félagsmanna til að við náum sameiginlega þeim árangri sem við viljum helst ná. Með samstöðuna að vopni verða okkur allir vegir færir eins og sagan hefur sýnt okkur,“ segir á heimasíðu Verk-Vest 2. september.

Fj�r�ungs�ing Vestfir�inga vill a� Vestfir�ir ver�i umhverfisvotta� sv��i

Tue, 07 Sep 2010 15:30:00 +0000

Fjórðungsþing Vestfirðinga sem haldið var á Hólmavík um síðustu helgi samþykkti stefnuyfirlýsingu í mörgum liðum varðandi hagsmunamál Vestfirðinga. Þingið samþykkti að sveitarfélög á Vestfjörðum skuli stefna að umhverfisvottun Vestfjarða í heild. Tillaga um málið kom fram frá sveitarstjórn Strandabyggðar, í framhaldi af áskorun Ferðamálasamtaka Vestfjarða á aðalfundi þess í sumar. Fjórðungsþing samþykkti að fela stjórn sambandsins og framkvæmdastjóra að kynna hugmyndina og kanna vilja sveitarstjórna og sækja um aðild að Earth Check fyrir Vestfirði í heild ef viðbrögð verða jákvæð. Sveitarfélög á Snæfellsnesi hafa þegar gefið slíka yfirlýsingu og hafið vinnu að verkefninu í samræmi við markmið sem sett eru.